நீ

என் தொலைவானம் நீயா
எனைத் தீண்டும் மழைத்தூறல் தானா 
என் விழி தேடும் ஒரு தேவதை நீயா
எனைத் தினம்தோறும் தொடுகின்ற ஆனந்தம் தானா
என் மனம் தடுமாறும் தடுமாற்றம் நீயா
எனைத் தடம் மாற்றும் ஒரு போதை தானா
என் கருமாரி நீயா
எனைக் கரையேற்றும் ஒரு தெய்வம் தானா
எனை வாட்டும் பெருங்காதல் நீயா
என்னுயிர் விலை பேசும் வியாபாரி தானா
என் கரும்பாலை நீயா
எனைத் துரும்பாக்கும் துயரங்கள் தானா
என் சுவர்க்கங்கள் நீயா
எனைக் கேட்காமல் பொழிகின்ற ஒரு மாரி தானா 
என் பருவங்கள் நீயா
எனை உருமாற்றும் ஒரு சக்தி தானா
என் திருத்தங்கள் நீயா
எனைத் திசை மாற்றும் பெண் புத்தன் தானா.