தொடராத வீணை

கவிஞர்:சின்னப்பாலமுனை பாயிஸ்

பூவையின் உச்சி முகர்ந்து
கூந்தல்களைக்  கோரிய
என் விரல்கள்
கோவை இதழ்களையும்
மெதுவாய் கிள்ளிக்கொள்ள
கருகிய காம்பாய்
சுருங்கி உதிர்ந்து
தரையில் படர்ந்தது
வீணையின் வடிவமாய்
தரையை அலங்கரிக்க
என் விரல்கள் துடித்தன
அதனை வாசித்துக்கொள்ள
வீணை மூடிய சீலை
காற்றில் அசைந்தாட
இதயத்தில் மேளதாளம்
ராகம் தொடரும்
இடம் தெரியாமல்
இடைநடுவே
விரல்கள் நடனமாட
சங்கதி நீண்டு கொண்டன
சுதி நழுவாமல்
சுவை ஏறிச்செல்ல
ரகரகமாய் ராகங்கள்
பெருகி வந்தது
பல்லவி சருகாமல்
கீதம் தொடர்ந்து கொள்ள
வீணை முறிந்து கொண்டது
முழுமைபெறாத கானமுமாய்
தொடராத வீணையுமாய்
ராகம் தேடும் ரசிகன்............